litwaniye bir rus diplomatni «qarshi élinmaydighan adem» élan qildi
litwaniye rusiyening wilnyusta turushluq elchixanisining bir diplomatini «qarshi élinmaydighan adem» élan qilinghanliqini uqturdi.
1913826
türkiye awazi radiyosi xewiri: litwaniye radiyo – téléwiziye bash idarisi (LRT) ning xewer qilishiche, rusiye elchixanisining bir xadimi litwaniye tashqi ishlar ministirliqigha chaqirtilghan we uninggha nota tapshurulghan.
xewerde déyilishiche, rus diplomatning «qarshi élinmaydighan adem» élan qilinishining sewebi, uning «diplomatik belgilimilerge uyghun bolmighan paaliyetler bilen shughullanghanliqi» iken.
litwaniye tashqi ishlar ministirliqining bayanatida bildürülüshiche, mezkur shexstin 5 kün ichide dölet chégrasidin chiqip kétishi telep qilinghan.
igilinishiche, bu, litwaniyening rusiye – ukraina otturisida 24 – féwral küni urush bashlanghandin buyan 4 – qétim mushundaq qarar chiqirishi iken.
