b d t: afghanistan yémek - ichmek bixeterliki mesilisige duch kelmekte
birleshken döletler teshkilati afghanistanda 6 milyon kishining yémek - ichmek bixeterliki mesilisige duch kéliwatqanliqini bildürdi.
türkiye awazi radiyosi xewiri: birleshken döletler teshkilati bash katipining afghanistan alahide wekili yardemchisi ramiz elekbrow, afghanistanning bezi jaylirida témpératuraning nöldin töwen 25 sélsiye giradusqa chüshüp qalghanliqini eskertip mundaq dédi: «afghanistanda qishqa teyyarliq qilish paaliyetlirini qollash üchün 768 milyon dollargha we yil axirlishishtin ilgiri 614 milyon dollargha éhtiyajliqmiz.»
«afghanistanda 6 milyon kishi jiddiy yémek - ichmek bixeterliki mesilisige duch kelmekte. 2023-yili afghanistan nopusining üchtin ikki qisimi (28 milyon kishi) insanperwerlik yardemge mohtaj bolidu.»
taliban 2021-yili 15-awghust afghanistanda hakimiyet béshigha chiqqandin kéyin, xelqara iqtisadiy yardemning üzülüp qélishi bilen döletning iqtisadiy éghir zerbige uchridi, ayallar we qiz balilar maarip qatarliq nurghun sahelerde heq - hoquqliridin mehrum qaldi.
minglighan ayallar hökümet organliri we xususiy igiliktiki xizmitidin ayrilip qaldi.
