muqdishodiki bir méhmansarayda bomba hujumi yüz berdi

türkiye awazi radiyosi xewiri: somali dölet xewer agéntliqi sonnaning (SONNA) xewiride bildürülishiche, paytext muqdishodiki willa roz (VillaRose) méhmansariyida ikki bomba partlighan we arqidin qoralliq étishish yüz bergen.

mezkur méhmansaraygha ministirlar we hökümet mesulliri pat-pat kélip-kétidighan bolup, bu qétimqi hujumlarda ölüm hadisisining yüz bérip-bermigenliki toghrisida melumat bérilmidi.

döletlik bash saqchi idarisining bayanatchisi sadiq dodishe: «puqralar we hökümet mesullirini öz ichige alghan nurghun kishi qutquzuwélindi. jinayetchiler buning bedilini töleydu» dédi.

bezi xewer tor betliride, somali xewpsizlik ministiri muhemmed ehmet dodishening hujumlarda yarilanghanliqi ilgiri sürüldi.