shiwétsiye bash ministiri dölitining türkiyege bergen wedisini orundaydighanliqini éytti

türkiye awazi radiyosi xewiri: kiristérson «dagéns nixétér» gézitige bergen bayanati esnasida, 28-iyun ispaniye paytexti madridta ötküzülgen shimaliy atlantik ehdi teshkilati — nato bashliqlar yighini jeryanida, türkiye, finlandiye we shiwétsiye teripidin imzalanghan üch terep kélishimi toghrisida toxtilip: «rastini dégende, bu üch terep kélishimi emes, bu finlandiye bilen shiwétsiyening bixeterlik toghrisida türkiyege bergen wedisi. biz türkiyege bergen wedimizni orundaymiz» dédi.

u, kéler yili etiyazda yolgha qoyulushi pilanliniwatqan yéngi térrorluq qanunigha isharet qilip: «biz (qanun heqqide) türkiye bilen sözlishiwatimiz. hazir bu ehwal bizning nato bilen birlikte térrorizmgha qarshi küreshke qatnishish réalliqimizdur» dédi.

kiristérson, türkiyening shiwiétsiyening natogha ezaliq telipini testiqlash musapisining uzirap kétishi heqqide toxtilip: «bu mesile hazir türkiyening qolida. men türkiyening pikirige hörmet qilimen. biz, yeni shiwétsiye we finlandiyening türkiye bilen imzalighan kélishimi, bizning türkiyening bixeterlikige intayin estayidil muamile qilidighanliqimizni körsitip béridu» dégenlerni qeyt qildi.

türkiye 28-iyun ispaniyening paytexti madridta ötküzülgen nato bashliqlar yighini jeryanida,natogha ezaliq iltimasi sunghan finlandiye bilen shiwétsiyening teleplirini ret qilghan we térrorluq teshkilatlirini ochuq-ashkara qollaydighan mezkur ikki dölet bilen kélishim imzalighanidi؛ enqere nöwette kélishimde wede qilinghan qedemlerning tashlinishini kütmekte.