xitayda kündilik wirus bilen yuqumlinish nisbiti rékort yaratti

türkiye awazi radiyosi xewiri: xitay döletlik sehiye komitétining bayanatigha asaslanghanda, xitay chong quruqluqida yéqinqi 24 saet ichide yuqumlinish alamiti körülgenlerning sani 4010 kishige, alametsiz yuqumlanghanlarning sani 27 ming 646 ge yetken we bir kishi yuqum sewebidin qaza qilghan.

xtayda küzde pütün memliket miqyasida  yuqumlinish köpeygen bolup, bu yuqumlinish dolqunida omikronning tarqilishchanliqi yuqiri bolghan «BA.5.2» tarmaq tipining tarqilishi nuqtiliq tesir körsetkenliki texmin qilinmaqta.

xénen ölkisining merkizi jingjuda yuqumlinish kontroldin chiqqanliqi sewebidin, 8 rayonda puqralargha 5 kün boyinche yémeklik we dawalash éhtiyaji sétiwilishtin bashqa ishlar üchün öydin siritqa chiqmasliq cheklimisi qoyuldi.

guangdung ölkisining merkizi we xitayning üchinchi chong shehiri bolghan guangjuda bolsa, xubéy ölkisidin ishleshke kelgen ishchilarning karantindin kéyin waqitliq panahlinish ornigha qaytishigha yolgha qoyulmighanliqi we emeliy halda öy-makansiz qalghanliqi bildürüldi.

«jenubiy xitay seher pochtisi géziti» ning xewiride, qamal qilish tedbirliri yolgha qoyulghan xeyju nahiyesige qarashliq mehellilerde olturushluq ishchilardin yuqumlanghanliqi éniqlanghanlarning waqitliq karantin merkizige ewetilgenliki, emma karantin waqti tolghandin kéyinmu ishchilarning turalghu mehellilirige qayta kirishining cheklengenliki  uqturuldi.

paytext béyjingdiki yuqum nisbitimu yuqum bashlanghandin buyanqi eng yuqiri sewiyege yetti. aldini  tedbirlirining barghanséri kücheytilgenliki melum.

texminen 22 milyon nopusi bolghan béyjingda yéqinqi 24 saet ichide késellik alamiti körülgenlerning sani 500 ge we alametsiz yuqumlanghanlarning sani 1139gha yetkenliki éniqlandi. béyjingda, yéqinqi ikki künde kündilik yuqumlinish sani 1000 din éship ketti.