rusiyelik yutubérlar polsha pirézidéntini exmeq qilghan

türkiye awazi radiyosi xewiri:  polsha pirézidéntliq ishxanisi ktken hepte dudaning özini firansiye pirézidénti makron dep tonushturghan bir kishi bilen körüshkenliki toghrisida bayanat élan qildi.

bayanatta, pirézidént dudagha 15-noyabir (2022) yüz bergen polshaning ukraina chégrasigha yéqin bir yézida ikki kishining ölümige seweb bolghan bashqurulidighan bomba weqesidin kéyin, nurghun rehberlerning téléfon qilghanliqi xatirilitildi.

leqimi  wowan we léksus bolghan wladimir kuznétsow bilen aléksi stolyarow teripidin yutubqa qoyulghan widéoda, dudaning makron dep oylighan kishige, özige téléfon qilghanliqi üchün teshekkür éytqanliqi körülidu.

pirézidént duda widéoda yene, bashqurulidighan bomba weqesidin kéyin, natodin muzakire ötküzüshni telep qilish pilanini we qoshna dölet ukrainani ishghal qilghan rusiye bilen weziyetni téximu yamanlashturuwetmeslik üchün intayin diqqet bilen heriket qiliwatqanliqlirini chüshendüridu.

pirézidént duda yette minut boyiche amérika pirézidénti baydinning bashqurulidighan bomba weqeside rusiyeni eyiblimigenlikini, emma ukraina pirézidénti wolodimir zélénskiyning polsha zéminigha chüshken bashqurulidighan bombining rusiyening ikenlikide ching turghanliqini tekrarlaydu.

rus yutubérlar 2020-yilimu polsha pirézidénti dudani özini b d t bash katipi antoniyo gutérrés dep tonushturup koldorlatqan idi.

wladimir kuznétsow we aléksi stolyarow buningdin ilgiri oxshash usullar bilen firansiye pirézidénti makron, engliyening sabiq bash weziri boris jonson, engliyelik dangliq pop naxshichisi élton jon, shahzade xarriy qatarliq kishilernimu exmeq qilghan idi.