gutérrés: ashliq kélishimini yéngilash kérek

türkiye awazi radiyosi xewiri: b d t bash katipi antoniyo gutérrés G20 dölet guruhi rehberler yighini bashlinishtin ilgiri axbarat élan qilish yighini ötküzdi.

u G20 dölet guruhi rehberler yighinining halqiliq peytte élip ötküzülgenlikini, dunyaning herqaysi jayliridiki kishilerning turmushning qimmetchiliki we kilimat özgirishning tesirige köp uchrighanliqini éytti.

u tereqqiy qiliwatqan döletlerning acharchiliq we kembeghellikni azaytish, sijil tereqqiyatqa meblegh sélish üchün iqtisadqa érishelmigenlikini eskertti.

u yene, dunyaning nurghun rayonlardiki barghanséri küchiyiwatqan acharchiliqning aldini élish üchün jiddiy heriketke ötüshi kéreklikini bildürdi.

u qara déngiz ashliq yötkesh kélishimi üstide toxtilip, kélishimning ashliq bazarlirini muqim qilishqa we yémek-ichmek bahalirining chüshüshige hesse qoshqanliqini, kélishimning qisqa waqit ichide yéngilinishi kéreklikini qeyt qildi.

u mundaq dédi:

«rusiyening ashliq we oghutini éksport qilishning aldidiki tosqunluqlarni emeldin qaldurush toghrisida yaxshi ilgirilesh hasil qilindi. tirishchanliqlirimizning muweppeqiyetlik bolushini we bashqa qalghan tosqunluqlarning emeldin qaldurulushini ümid qilimen.»