b d t rusiyening ukrainagha tölem tölishini mezmun qilghan qararni qobul qildi
birleshken döletler teshkilati (b d t) omumiy kéngishi rusiyening ukrainagha urush tölem tölishini telep qilghan qararni qobul qildi.
1906644
türkiye awazi radiyosi xewiri: 193 ezaliq b d t omumiy kéngishi, rusiyening ukrainaning ichi - sirtidiki xelqara qanungha xilap qilmishlirining jawabkarliqining sürüshte qilinishini mezmun qilghan qarar layihesini awazgha qoydi.
qarargha 94 dölet qollap, 14 ret qilip bélet tashlidi, 74 dölet ipade bildürüshtin özini qachurdi. rusiye, xitay, iran we süriye qararni ret qilip bélet tashlighan döletler qataridin orun aldi.
qararda, rusiyening ukrainagha qaratqan xelqara qanungha xilap heriketliri tüpeylidin kélip chiqqan ziyan, ölüm yaki yarilinish ehwalliri üchün tölem tölishige munasiwetlik xelqaraliq méxanizm ornitilishi telep qilinidu.
gerche b d t omumiy kéngishi qararliri qanuniy cheklesh küchige ige bolmisimu, siyasiy salmaqqa ige.
