gutérrés b d t ni öz ichige alghan xelqara jemiyetning birmada «meghlub» bolghanliqini éytti
birleshken döletler teshkilati (b d t) bash katipi antoniyo gutérrés, xelqara jemiyetning 2021-yili 2-aydin buyan herbiy hakimiyet teripidin bashquruluwatqan bérmida «meghlub» bolghanliqini éytti.
türkiye awazi radiyosi xewiri: b d t bash katipi antonio gutérrés, kambodzhaning paytexti fnom pénda dawam qiliwatqan sherqiy jenubiy asiya elliri ittipaqi bashliqlar yighinidiki sözi jeryanida, eza döletlerning bérmadiki herbiy hakimiyetke ittipaq otturigha qoyghan besh maddiliq tinchliq pilanigha emel qilish heqqide bésim ishlitishini ümid qilidighanliqini bildürdi.
u, 2023-yili sherqiy jenubiy asiya elliri ittipaqining nöwetchi reislikini ötküzüwalidighan hindonéziyening, bérmaning nöwettiki weziyitige tutqan pozitsiyesige isharet qilip: «hindonéziye hökümitining mezkur küntertipni ijabiy shekilde élip mangalaydighanliqi»ni hés qiliwatqanliqini éytti.
bash katip antonio gutérrés yene, b d t ning bérma alahide wekili noélén héyzérni sherqiy jenubiy asiya elliri ittipaqi bilen yéqindin hemkarliship, birmaning «dramatik kishilik hoquq depsendichiliki» ge xatime bérishke chaqirdi.
bérma mesiliside barliq tereplerning meghlup bolghanliqini bayan qilghan gutérrés: «b d t ni öz ichige alghan xelqara jemiyet pütünley meghlup boldi» dégenlerni qeyt qildi.
