baydin sabiq amérika hökümitining kilimat kélishimige tutqan pozitsiyesi üchün kechürüm soridi

türkiye awazi radiyosi xewiri: pirézidént jo baydin, misirning shermushsheyx shehiride ötküzülgen 27 - nöwetlik b d t kilimat yighinidiki sözide, kilimat kirizisining insaniy, iqtisadiy, muhit we dölet bixeterliki bilen munasiwetlik ikenlikini, amérikaning sabiq pirézidént tramp dewride parizh kilimat kélishimidin chékinip chiqqanliqini eskertip: «men wezipige olturghan haman derhal kélishimge qaytip kelduq. zor kölemlik kilimat bashliqlar yighinlirini achtuq. öz waqtida bu kélishimdin chékingenlikimiz üchün kechürüm soraymen» dédi.

amérikaning 2030-yilighiche karbon qoyup bérish nishanigha yétish üchün pütün küchi bilen tirishiwatqanliqigha isharet qilghan baydin, rusiye-ukraina urushiningmu fosil yéqilghugha tayinishni tézdin tügitishning texirsizlikini körsitip bergenlikini bildürdi..

u yene, afriqa döletlirining kilimat kirizisigha taqabil turushi kürishige 150 milyon dollar töhpe qoshidighanliqini sözlirige ilawe qildi.

yene bir tereptin, baydin sözining axirigha kelgende, zaldiki bir guruppa kishi fosil yéqilghugha qarshi shoar towlap naraziliqini ipadilidi. baydin nayishchilar zalning sirtigha chiqiriwétilgendin kéyin sözlirini dawamlashturdi.