нато косово билән сербийәни җиддийчиликни улғайтиветидиған һәрикәтләрдин сақлинишқа чақирди

түркийә авази радийоси хәвири: нато баш катипи йенс столтенберг сербийә президенти александер вучич вә косово баш министири албин курти билән косовониң шималидики аптомобил номур тахтилири сәвәблик пәйад болған җиддий вәзийәт тоғрисида телефон сөһбити өткүзди.

столтенберг иҗтимаий таратқудики адресида сөһбәт тоғрисида байанат берип: «мән һәр иккисини җиддийчиликни күчәйтиветидиған бир тәрәплимә һәрикәтләрдин сақлинишқа чақирдим» деди вә бирдинбир чиқиш йолиниң дийалог икәнликигә ишарәт қилип, натониң косоводики тинчлиқ сақлаш қисмилириниң һошйар һаләттә туруватқанлиқини қәйт қилди.

косово серблири шәнбә күни өзлириниң косово органлиридики вәзипилиридин чекингәнликлирини елан қилған, йәкшәнбә күни намайиш өткүзгәниди. сербийә тәрәп болса, алдинқи һәптә косово чеграсидики раска шәһиригә йеқин җайда байқалған бир учқучисиз һава аппаратиниң йоқитилғанлиқини, сербийәдики һәрбий газармилар тоғрисида җасуслуқ паалийәтлири билән шуғуллинишқа йол қоймайдиғанлиқини билдүргәниди.