isirailiyede nétanyahu bashchiliqidiki ongchi qanat üstünlükke érishti

türkiye awazi radiyosi xewiri: isirailiyede eng uzun bash ministirliq wezipisini ötigen binyamin nétanyahu bashchiliqidiki ongchi qanat 120 kishilik parlaméntta, 64 orunni igilidi.

texminen 6.7 milyon royxetke élinghan saylighuchi bar bolghan isirailiyede 1-noyabir ötküzülgen omumiy saylamgha qatnishish nisbitining %71.3 ke yetkenliki élan qilindi.

nétanyahu bashchiliqidiki ongchi qanat 120 kishilik parlaméntqa 64 parlamént ezasi chiqirish hoquqini qolgha keltürdi.

isirailiye merkiziy saylam komitétining resmiy netijilirige asaslanghanda, nétanyahu rehberlikidiki likud partiyesi parlaméntta 32 orunni igiligen. nétanyahuning reqibi hazirqi bash ministir yair lapid rehberlikidiki «kélechek bar» partiyesi 24 orungha ériship, parlaménttiki ikkinchi partiye bolghan.

bash ministir lapid bashchiliqidiki «özgirish birleshmisi» ichidin orun alghan partiyeler jemiy 52 orungha érishken.

ikki qaatqa kirishni ret qilghan «isirailye puqrasi pelestinliklerning partiyesi» besh orunni qolgha keltürgen.