shimaliy koréye déngiz chégrasidiki biterep rayongha zembirek atti

türkiye awazi radiyosi xewiri: shimaliy koréye bilen amérika-jenubiy koréye-yaponiye ittipaqi arisidiki jiddiychilik, rayondiki bixeterlik endishelirini kücheytiwatqan bir peytte, shimaliy koréye bir qétim xeterlik qedem tashlidi.

jenubiy koréyening bu heqtiki bayanatida, shimaliy koréyening tünügün (3-noyabir) kéchide shu yer waqti 23.28 ötkende, ikki dölet otturisidiki déngiz chégrasining shimalidiki déngizgha texminen 80 zembirek oqi atqanliqini bildürdi.

zembirek oqlirining déngiz chégra linyesining shimalidiki biterep rayongha chüshkenliki qeyt qilindi. buning, 2018-yili ikki koréye otturisida imzalanghan chégralarda özara toqunushlarning aldini élish üchün imzalanghan herbiy kélishimge xilap ikenliki eskertildi.

yéqinqi künlerde bashqurulidighan bomba sinaqliri bilen küntertipke kéliwatqan shimaliy koréye, 2-noyabirdimu (2022) kangwondiki kosong rayonidin chégra linyesining shimalidiki biterep rayongha texminen 100 zembirek oqi atqan idi.