baydin: iranni erkinlikke érishtürimiz
amérika qoshma ishtatliri pirézidénti jo baydin iranni erkinlikke érishtüridighanliqlirini éytti.
türkiye awazi radiyosi xewiri: amérika pirézidénti jo baydin 8 – noyabir küni ötküzülidighan dölet mejlisi ara saylamliri harpisida, kaliforniye ishtatida ötküzülgen démokratlar partiyesi paaliyitide qilghan sözide, iranda mahsa eminining nazaret astida ölüp kétishidin kéyin bashlanghan we texminen 50 kündin buyan dawamlishiwatqan naraziliq namayishliri heqqide toxtaldi.
u, nutuqi esnasida, qollighuchilirining yanfunlirini pulanglitip, «erkin iran» signali bérishige qarita, «xatirjem bolunglar, iranni erkinleshtürimiz, ular pat yéqinda özlirini özliri erkinlikke érishtüridu» dédi.
iran paytexti téhranda, 22 yashliq mahsa eminining 16 – séntebir (2022) küni nazaret astida ölüp kétishi, dölet miqyasida téhran hökümitige qarshi naraziliq namayishlirining bashlinishigha seweb bolghanidi.
