élon mask twittérdiki kök belge üchün her ay 8 dollar alidighan boldi
tésla we «SpaceX» ning yuqiri derijilik bashqurghuchisi élon mask sétiwalghan twittérda kök renglik belgisi bolghan hésablardin her ayda 8 dollar heq élinidighanliqini bildürdi.
1901226
türkiye awazi radiyosi xewiri: élon mask twittérdiki bayanatida, «twittérning hazirqi kök renglik testiq belgisi bolghan yaki bolmighanlarni mewjut aqsöngekler we yéziliqlar dep ayrish hamaqetliktur. bu belgining ayliqi 8 dollar» dédi.
élon mask mezkur bahaning döletlerge köre oxshimasliqi mumkinlikini bildürüp, her ayda 8 dollar töligen kishilerning nurghun sahede we munberde aldinqi pilangha chiqalaydighanliqini, téximu uzun sin we awazlarni hembehirliyeleydighanliqini hemde élanlarnimu bashqilardin yérim hesse az köridighanliqini bildürdi.
élon mask: «bu usul arqiliq mezmun ishlepchiqarghuchilarni mukapatlash üchün twittérda bir kirim derwazisi achidu» dédi.
