shiwétsiye bash ministiri: erdoghan bilen muweppeqiyetlik téléfon söhbiti élip barduq
shiwétsiye bash ministiri ulf kiristérson shimaliy atlantik ehdi teshkilatigha eza bolush üchün türkiye, finlandiye we shiwétsiye otturisidiki üch tereplik bayannamige emel qilidighanliqlirini bildürdi.
türkiye awazi radiyosi xewiri: ulf kiristérson, ammiwi ortaqlishish tor béti Twitter sehipiside élan qilghan bayanatida, türkiye jumhuriyiti jumhur reisi rejep tayyip erdoghan bilen muweppeqiyetlik téléfon söhbiti élip barghanliqini tekitlep mundaq dédi: «pat yéqinda enqerede ziyarette bolushni töt köz bilen kütüwatimen, hökümitim shimaliy atlantik ehdi teshkilatigha eza bolush üchün türkiye, finlandiye we shiwétsiye otturisidiki üch tereplik bayannamige emel qilidu.»
türkiye jumhuriyiti jumhur reislik mehkimisi uchur - alaqe ishliri idarisining bildürüshiche, jumhur reis rejep tayyip erdoghan bilen shiwétsiye bash ministiri ulf kiristérsonning téléfon söhbitide, türkiye – shiwétsiye munasiwetliri heqqide muzakire élip bérilghan.
jumhur reis erdoghan, téléfon söhbitide, shiwétsiyening yéngi bash ministiri bolghanliqi munasiwiti bilen ulf kiristérsonni tebrikligen, hemde uni paytext enqerede kütüwélishtin xushal bolidighanliqini bildürgen.
téléfon söhbitide yene, shiwétsiye hökümiti bilen ikki tereplik munasiwetlerni her sahede tereqqiy qildurushqa teyyar ikenliklirini eskertken erdoghan, üch tereplik bayannamining kélechek basquch jehettin yol körsetküch bolidighanliqini qeyt qilghan.
erdoghan yene, térrorluq teshkilatlirining shiwétsiyening shimaliy atlantik ehdi teshkilatigha eza bolushi we türkiye bilen bolghan ikki tereplik munasiwetlirini görüge éliwélishigha taqabil turushning hemme terepke paydiliq ikenlikini tekitligen.
