yemende xusiylar kömgen bir minaning partilishi netijiside, 3 kichik bala qaza qildi
yemenning ottura qismidiki elbeyda shehiride xusiylar kömgen bir minaning partilishi netijiside, 3 kichik balining qaza qilghanliqi bildürüldi.
türkiye awazi radiyosi xewiri: yemen mina resetxanisi namliq ammiwiy teshkilat teripidin élan qilinghan yazma bayanatta, beyda shehirining ez-zahir rayonida yolgha kömülgen bir minaning puqralarolturghan aptomobil ötüwatqan peytte partilighanliqi bildürüldi.
bayanatta, aptomobildiki üch kichik balining partlashta qaza qilghanliqi uqturuldi.
yemen hökümitining we kishilik hoquq teshkilarlirining doklatilirigha asaslanghanda, iran qollawatqan xusiylar 2014 - yili ichki urush bashlanghandin buyan memliket miqyasida 2 milyongha yéqin mina kömgen. bu minalar minglighan puqralarning qaza qilishigha yaki yaridar bolishigha seweb bolghan.
yemende iran qollap - quwwetlewatqan xusiylar 2014 - yili sintebirdin buyan paytext sana we bir qisim rayonlarning kontrolluqini alqinigha kirgüzüwalghan idi.
seudi erebistan bashchiliqidiki birleshme qisimlar 2015 - yili mart éyidin buyan xusiylargha qarshi yemen hökümitini qollap kelmekte.
