milanowich: ukraina eskerlirining kirodiye tewelikide manéwir ötküzüshige yol qoyulmaydu

türkiye awazi radiyosi xewiri: zoran milanowich, chet el taratqulirining ukraina eskerlirining kirodiyede manéwir ötküzidighanliqi toghrisidiki xewerliri toghrisida toxtaldi.

milanowich, dölitining 24-féwral bashlanghan rusiye - ukraina urushishigha arilishishni xalimaydighanliqini bildürüp: «men kirodiyening (urushqa) éhtiyajdin artuq arilishishini qollimaymen. biz ukraina bilen hemkarlishiwatimiz. mushunchilikla» dédi.

manéwirning kirodiye zéminlirida ötküzülüshining «urushni öz térritoriyesige sörep kirish» bolidighanliqini bildürgen milanowich: «döletning rehbiri bolush süpitim bilen, men buninggha yol qoymaymen. shexsen men kirodiyening ukraina eskerliri manéwir ötküzidighan döletlerning biri bolushi toghrisida birer teklipni anglimidim, emma men aldin dégen bolay» dégenlerni sözlirige ilawe qildi.