iranda türmide yüz bergen toqunushta qaza qilghanlarning sani8 ge yetti
iranning paytexti téhrandiki ewin türmiside aldinqi küni yüz bergen toqunushta yaridar bolghan yene 4 mehbusning hayatidin ayrilishi bilen jemiy qaza qilghanlar sanining 8 ge yetkenliki bildürüldi.
türkiye awazi radiyosi xewiri: siyasiy mehbuslarning köpliki bilen nam chiqarghan ewin türmiside, 15 - öktebir shenbe küni yüz bergen toqunushlar heqqide iran edliye hoquqi uchur ishxanisi yazma bayanat élan qildi.
bayanatta: «adettiki jinayetchiler jaylashqan bölektiki weqelerde yarilanghan 10 mehbustin yene 4 nepiri qaza qildi. yarilanghan 6 mehbusni dawalash dawamlashmaqta. türmide qaza qilghanlarning omumiy sani 8 ge yetti» déyildi.
iran edliye hoquqi uchur ishxanisi tünügün élan qilghan bayanatida, adettiki jinayetchiler jaylashqan bölektiki mehbuslar otturisida yüz bergen toqunush jeryanida, türmining tikküchilik séxigha ot kétip, ot apitiide 4 mehbusning is-tütek bilen zeherlengenlikini élan qilghan we 10 mehbustin 4 nepiriniing éghir yarilanghanliqini bildürgen idi.
ijtimaiy taratqularda hembehirlengen süret we sinlarda ewin türmisige ot ketkenliki körülgen, qoral we partilash awazliri anglanghan idi.