iran türmiside toqunush yüz berdi
iranning paytexti téhrandiki ewin türmiside yüz bergen weqelerde kem dégende 8 kishi yarilandi.
türkiye awazi radiyosi xewiri: iranning resmiy xewer agéntliqi <IRNA> ning xewer qilishiche, ewin türmisida adettiki jinayetchiler jaylashqan bölümde mehbuslar bilen qarawullar otturisida toqunush yüz bérip 8 kishi yarilanghan.
siyasi mehbuslarning köpliki bilen tonulghan türmidiki kiyim-kéchek ambirigha ot qoyup bérilgenliki bildürülgen we ijtimaiy alaqe torlirida miltiq awazi shundaqla partilash awazliri angliniwatqan sinlar hembehirlengen.
türmidiki ot apitidin kéyin, ijtimaiy taratqularda mehbuslargha selibiy jawap qayturulushshning aldini élish üchün türme etrapini bosh qoymasliq chaqiriqi élan qilinghan bolup, türme etrapida turushluq kishiler bilen bashqa sheherlerdin kelgen kishiler kochilarni toldurdi.
téhranning yadigari imam chong kochisida uzun öchret bolup ketken aptomobillarmu kanay chélish arqiliq naraziliqlirini bildürgen we türme etrapida qatnash toxtap ketti.
bezi namayishchilar ewin türmisidiki ot apitige naraziliq bildürüsh üchün hökümetning élan taxtilirigha ot qoyup berdi.
türmidin kelgen shiddetlik partilash we qoral awazliri yéqin ertaptimu anglandi.
yene bir tereptin ijtimaiy taratqularda sheherning nurghunlighan rayonliridin türme rayonigha bixeterlik qisimliri ewetilgenliki toghrisida xewerler tarqalmaqta.
