b d t 2023 - yili bash kötürüsh mumkinchiliki bolghan ashliq kirizisi toghrisida agahlandurdi

türkiye awazi radiyosi xewiri: nurghun döletlerde dawamlishiwatqan qurghaqchiliq we toqunushlar bilen ukraina-rusiye urushi sewebidin ashliq yötkeshning qalaymiqanlishishining yémeklik kirizisini chongqurlashturuwetkenliki, milyonlighan kishining acharchiliq xewipige duch kelgenliki bildürüldi.

b d t agahlandurup, eger zörür tedbirler yolgha qoyulmisa, nöwettiki yémeklik krizisining 2023-yili yer shari xaraktérlik apetke aylinishining mumkinlikini otturigha qoydi.

dunya ashliq pilan mehkimisining sanliq melumatlirigha qarighanda, 45 dölettiki 50 milyongha yéqin adem acharchiliq girdabigha bérip qalghan.

nöwette dunyaning her qaysi jaylirida 800 milyondin artuq adem her küni kechte ach halette yétip qéliwatqan bolup,  xelqara pul fondi teshkilati, mal bahasidiki küchlük dawalghushlar sewebidin dunyaning bir yémeklik kirizisigha duch kéliwatqanliqi toghrisida agahlandurdi.

nöwette yémeklik kirizisining eng éghir zerbisige uchrighan afriqada milyonlighan adem xeter ichide qalghan.

b d t ashliq we déhqanchiliq teshkilatining sanliq melumatigha qarighanda, kélimat özgirishi, toqunush, kowid -19 yuqumi we ukraina-rusiye urushi qatarliq sewebler tüpeylidin afriqa qitesidiki her 5 kishining biri saghlam yémeklik yéyelmeydiken.

sherqiy afriqadiki 81 milyon ademning yémeklik bixeterlikidin behrimen bolalmaywatqanliqi, 16 milyon sherqiy afriqaliqning tamaq étish we ichishke ishlitilidighan pakiz sugha érishelmeywatqanliqi bildürüldi.