yaponiyening «Epsilon-6» tipliq rakétasi öz özini yoq qildi
yaponiye alem qatnishi charlash idarisi (JAXA) gha tewe «Epsilon-6» tipliq rakétaning qoyup bérilishi meghlubiyet bilen netijilendi.
türkiye awazi radiyosi xewiri: yaponiye alem qatnishi charlash idarisi (JAXA) shu yerning waqti etigen saet 09:50 de yaponiyening gherbiy jenubigha jaylashqan kagoshima ölkisidiki uchinora alem merkizidin «Epsilon-6» tipliq rakétasini qoyup berdi.
soda meqsetlik suniy hemrahnimu qoshqanda jemiy 8 süniy hemrahni élip mangghan, uzunluqi 26 métir, éghirliqi 95 tonna kélidighan rakéta qoyup bérilgendin kéyin hawada kétiwétip öz özini partlatti.
yaponiye alem qatnishi charlash idarisi (JAXA) rakétaning örlesh jeryanida mesile chiqqanliqini, bixeter yolini dawamlashturalmaydighanliqi bilingendin kéyin öz özini yoqutush buyruqi bérilgenlikini bildürdi.
yaponiye maarip, medeniyet, tenterbiye we pen-téxnika ministirliqi rakéta partlighandin kéyin rayonda héchqandaq ziyan körülmigenlikini élan qildi.
