krémil: armiyemiz chékingen rayonlarni qayturuwalimiz

türkiye awazi radiyosi xewiri: krémél bayanatchisidmitriy péskow paytext moskwada muxbirlargha qilghan sözide, pirézidént wladimir putinning ukrainaning donétsik, luxansk, xérson we zaporizhya rayonlirini rusiyege qoshush toghrisidiki qanungha imza qoyghanliqini körsetti.

u: «dölitimiz bügündin bashlap qanuniy jehettin tereqqiy qildi, bu intayin muhim» dédi.

u rusiye armiyesining mezkur rayonlarning bezi olturaq rayonliridin chékinishi üstide toxtilip: «bu yerde zitliq yoq, bu yerler menggü rusiyening bolidu, bezi jaylar qayturuwélinidu» dédi.

rusiye gazini yawropagha yetküzidighan «1-shimaliy éqim» we «2-shimaliy éqim» tebiiy gaz turuba linyeliride yüz bergen partlashlar heqqide toxtalghanda, rusiyening weqege munasiwetlik tekshürüshlerge qatnashturulushi kéreklikini tekitlidi.

u yene, amérikaning ukrainagha bergen «ximars» (HIMARS) namliq rakéta atarlar bilen qirimgha zerbe bergili bolidighanliqi toghrisidiki bayanatliri üstide toxtilip: «bu xil bayanlar amérikaning bu mesilige qatnashqanliqini wasitilik yaki biwasite ispatlaydu. bu intayin xeterlik ehwalni keltürüp chiqiridu» dédi.

u «krémilning ashpizi» dep bilinidighan rusiyelik sodiger yéwgéniy prigozhinning rusiye bixeterlik shirkiti wagnerni 2014-yili 1-may donbastiki toqunushlar sewebidin qurghanliqigha munasiwetlik bayanat élan qilghanliqini xatirilitip: «yéwgéniy prigozhin rusiye puqrasi we soda-karxanichi.  u dölitimizdiki bashqa soda-karxanichilargha oxshash chong töhpilerni qoshuwatidu» dédi.

emma, wagnerning salahiyiti toghrisida soalni jawabsiz qaldurdi.