xitay amérika muawin pirézidéntining sözlirige naraziliq bildürdi

türkiye awazi radiyosi xewiri: xitay tashqi ishlar ministirliqining bayanatchisi wang winbin béyjingda ötküzülgen kündilik axbarat élan qilish yighinida, xarrisni washingitonning «bir xitay» pirinsipidiki wedisige emel qilishqa chaqirdi.

bayanatchi wang muawin pirézidént xarrisning «xitayning qaide-pirinsiplarni asas qilghan xelqara tertipning négizlik asasigha buzghunchiliq qiliwatidu» dégen sözini tilgha élip, eslide xelqara tertipni buzghan terepning amérika xelqara ikenlikini otturigha qoydi.

bayanatchi wang mundaq dédi:

«amérika terep xitay bilen diplomatik munasiwetning asasini teshkil qilidighan üch birleshme xitabnamide, dunyada peqet birla xitayning barliqini, teywenning xitayning ayrilmas bir parchisi ikenlikini qobul qildu. wediside turush eng eqelliy qaide. eger amérika özining wedisige emel qilmisa, qaide qandaq qaide bolidu? bu ehwal dawamlashqan ehwalda xelqara tertipke buzghunchiliq qilghan terep amérika bolidu.»

bayanatchi wang amérikani «üch birleshme xitabname» diki wedisige we bir xitay pirinsipigha emel qilip, «teywenning musteqilliqini teshebbus qilidighan bölgünchilerning paaliyitige ochuq-ashkare qarshi turushqa chaqirdi.

xitay teywende hakimiyet yürgüzüwatqan démokratiyeni ilgiri sürüsh partiyesi (DPP) hökümitini bölgünchilik bilen eyibleydu we uning bilen bolghan her qandaq munasiwetni «teywenni musteqil bolushqa jasaretlendürüsh» dep qaraydu.

béyjing «bir xitay pirinsipi» ni tekitlep, teywenning dunyadiki döletler bilen musteqil diplomatik munasiwet ornitishigha, b d t we bashqa xelqaraliq teshkilatlarda wekil turghuzushigha qarshi turidu. xitayni étirap qilghan döletlerning teywen bilen diplomatik munasiwetni üzüshini shert qilidu.