«forbis 400» baylar tizimliki élan qilindi
tésla we SpaceX qatarliq téxnika shirketlirining bash ijraiye emeldari élon mask tunji qétim «forbés 400» tizimlikining birinchisi boldi.
türkiye awazi radiyosi xewiri: amérika soda zhurnili «forbés» teripidin 41 - qétim élan qilinghan amérika qoshma ishtatlirining eng bay 400 soda – sanaetchisi tizimlikige qarighanda, bayliqini bulturqidin 60 milyard dollar ashurghan élon mask birinchi orunni igilep, uda töt yil boyiche birinchilikni saqlap kelgen amazon shirkitining sabiq yuqiri derijilik emeldari jéf bézosni ikkinchi orungha chüshürüp qoyghan.
amérikaning eng bay soda – sanaetchisi maskning bu orungha ige bolushida tésla shirkiti péyining %11lik ösüshi gewdilik rol oynighan.
tizimlikte amazon shirkitining paychékide %27 ziyan tartqan bézos ikkinchi rettin, yumshaq détalchi we meblegh salghuchi sodiger bil géytis üchinchi rettin orun alghan.
ötken yili tizimlikning üchinchisi bolghan fyésbukning qurghuchisi mark zakérbérg, bu yil 11 - rettin orun alghan, bashqiche éytqanda aldinqi 10 ning ichige kirelmigen.
2021-yili 9-aydin buyan bayliqining yérimidin köprekini (76 milyard 800 milyon dollar) ziyan tartqan mark zakérbérg, ötken yili eng köp ziyan tartqan «forbés 400» béyining birinchisi bolghan.
