ukrainadin yene 9 paraxot yolgha chiqti
ashliq yötkesh paaliyiti dairiside yene 9 paraxot ukraina portliridin yolgha chiqti.
türkiye awazi radiyosi xewiri: türkiye jumhuriyiti dölet mudapie ministirliqi teripidin élan qilinghan bayanatta, ashliq yötkesh paaliyiti dairiside yene 9 paraxotning ukraina portliridin yolgha chiqqanliqi tekitlinip mundaq déyildi: «ukraina portliridin ashliq yötkesh paaliyiti bixeter halda dawamlashmaqta. bu dairide, 9 paraxot, bügün etigen tereplerde ukraina portliridin yolgha chiqti.»
qaradéngizdin bixeter halda ashliq yötkesh paaliyitige kapaletlik qilish üchün, 22 – iyul küni istanbuldiki «dolmabahche sariyi» diki jumhur reislik mehkimisi ishxanisida, dölitimiz (türkiye jumhuriyiti) jumhur reisi rejep tayyip erdoghan bilen birleshken döletler teshkilati bash katipi antonyo gutérésning huzurida, ukraina we rusiye bilen <istanbul ashliq kélishimi> imzalanghanidi.
