islam hemkarliq teshkilati kabulda bir jamege qilinghan hujumni eyiblidi
islam hemkarliq teshkilati 23 - séntebir(2022) afghanistanning paytexti kabulda bir jamege qilinghan we 7 kishining jénigha zamin bolghan térrorluq hujumini eyiblidi.
türkiye awazi radiyosi xewiri: islam hemkarliq teshkilatining bayanatida, islam hemkarliq teshkilati bash katibatliqining kabuldiki wezir ekber xan jamesi aldida kishiler jüme namizidin chiqiwatqan peytte yüz bergen bomba hujumida, jénidin ayrilghanlarning aile-tawabiatlirigha teziye bildürüldi we yarilanghanlarning tézraq eslige kélishi üchün télekdashliq bildürüldi.
islam hemkarliq teshkilatining afghanistanning herqaysi jaylirida bigunah puqralarning jénigha zamin bolidighan her türlük hujumlarni eyibleydighanliqi tekitlengen bayanatta yene, bu hujumning dölettiki ajiz bixeterlik muhitining bu shekilde dawamlishalmaydighanliqining ipadisi bolghanliqi otturigha qoyuldi.
bayanatta, afghanistan dairilirining bu xil hujumlargha qarshi aldin tedbirlerni yolgha qoyushi kérekliki we afghanistan xelqining bixeterlikige kapaletlik qilish üchün téximu konkrét qedemlerni tashlishning muhimliqi bildürüldi.
23 – sintebirde afghanistanning paytexti kabuldiki wezir ekberxan jamesi aldida kishiler jümedin chiqiwatqan peytte yüz bergen bomba hujumida, 7 kishi jénidin ayrilip, 41 kishi yarilanghan idi.
