amérikada 23 yil bigunah türmide yatqan musulman mehbus adnan seyid qoyup bérildi

türkiye awazi radiyosi xewiri: mariland ishtatining baltimor shehiride, sotchi mélissa fin teptish organlirining bashqa gumanlarni yéterlik tekshürmigenlikini we ajiz delil-ispatlarni otturigha qoyghanliqlirini mueyyenleshtürüp, adnan seyidning 1999 - yili sabiq qiz dosti xa min léni qestlep öltürüsh jinayitini békar qildi.

41 yashliq seyid 23 yil türmide yatqandin kéyin, axiri sotta gunahsiz dep höküm qilindi we kishensiz halda sot zalidin ayrildi.

uning adwokati rabiya chodri teripidin yézilghan «adnanning hékayisi» namliq kitabi we seydning délosidiki xataliqlar toghrisidiki podkast yürüshlük filimi kishilerning allahide  diqqitini qozghighan bolup, rabiya chodri bügün tiwittérda seyidning ailisidikiler bilen birge öyige qaytiwatqanliqining körinishlirini hembehirlidi.

amérikidiki eng chong musulman puqralar erkinliki we teshwiqat teshkilati bolghan amérika-islam munasiwiti kéngishi (CAIR) ning mariland ishtatliq mudiri zeynep chodiri bolsa, seyid heqqidiki sotning hökümini buzup tashalighan sot qararini memnunluq bilen qarshi alghanliqini éytti.

amérika-islam munasiwiti kéngishi (CAIR) ning diréktori zeynep chodiri bayanatida: «bügünki ispat anglash sotida pütkül jinayi ishlar edliye tüzülmimizni özgertish kéreklikidin ibaret bir heqiqet ottiurigha chiqti. adnan seyid ependi uzundin buyan intizar bolghan sot hökümining özgertilgenlikini qarshi alimiz hemde uning qoyup bérilishining teptish organlirining hayatni özgertidighan éghir qararlarni bergende, nurghun tertiplerni élip bérish bilen birge choqum muwapiq tertipke emel qilishi kéreklikini bildürgen signal bolup qilishini ümid qilimiz» dédi.

adnan seyid 1999 - yili wudlawn ottura mektipining oqughuchisi, sabiq qiz dosti xa min léni qestlep öltürüp, baltimor baghchisida kömgenlikige dair tekshürüsh dairisde qolgha élinghan we 23 yil boyiche gunahsizliqini ispatliyalmighan idi.