ayal padishah 2-élizabét mexpiy mektubida némilerni yazghan?

türkiye awazi radiyosi xewiri:70 yil textte olturghan we 96 yéshida shotlandiyediki balmoral qeleside dem éliwatqanda alemdin ötken ayal padishah 2-élizabét 1986-yili awstiraliyening sidnéy shehiride yazghan mektup üstide munazire qozghaldi.

ayal padishahning sidnéydiki padishah wiktoriye binasining rémont qilinishini tebriklesh üchün yazghan mektubining 2085-yilighiche échilmaydighanliqi eskertildi.

qeyt qilinishiche, 2-élizabét mektubini sidnéy sheher bashliqigha ewetken.

mektupta, sheher bashliqigha yolyoruqlar bérilgenliki bildürüldi.

ayal padishah 2-élizabétning «awstiraliye-sidnéyning adil we hörmetlik sheher bashliqigha» dep bashlanghan mexpiy mektubi toghrisida sheher bashliqigha: «2085-yili siz muwapiq dep qarighan bir künde, ushbu konwirtni échip mezmunini sidnéy puqralirigha yetküzüp qoyushingizni soraymen» dégenliki qeyt qilindi.

2-élizabétning yuqiridiki telipi qobul qilinghan, emma néme yazghanliqi hazirghiche mexpiy bolup kelmekte.

engliye taratquliri ayal padishahning mektupta sidnéy puqralirigha tarixiy binani rémont qilip saqlap qalghanliqi üchün teshekkür éytqan bolushi mumkinlikini ilgiri sürdi.