erményede pashinyanni istépagha chaqirish sadaliri yangrashqa bashlidi
erméniyede aldinqi septe ezerbeyjan bilen bolghan toqunushlarda körülgen ölüm-yétimler sewebidin bash ministir nikol pashinyangha naraziliq bildürgen namayishchilar, parlamént binasi aldida hökümetning istépa bérishini telep qilip namayish qildi.
1880179
türkiye awazi radiyosi xewiri:erméniye «niyus a m» agéntliqi 44 kün dawam qilghan ikkinchi qarabagh urushida (2020) jénidin ayrilghanlarning yéqin-yoruqlirining tünügün (2022-yili 14-séntebir) paytexy yériwanda parlamént binasi aldida yighilip, bash ministir nikol pashinyangha qarshi namayish qilghanliqini xewer qildi.
namayishchilar nikol pashinyangha ishench awazi bérilmeslikini we hökümetning istépa bérishini telep qildi.
kech terepte parlamént binasi aldidiki namayishchilar sani köpeydi, saqchilar parlaméntqa tutishidighan kochining qatnishini toxtatti. namayishchilar parlamént binasining ishik-dérizilirini chéqishqa urundi we pashinyangha qarshi shoar towlap, istépagha chaqirdi.
ezerbeyjan dölet mudapie ministirliqi 12-séntebir kéchisi (2022) we 13-séntebir etigende, erméniye armiyesining ezerbeyjan chégrasidiki dashkesen, kelbeser, lachin we zengilan yönülüshide ighwagerchilik qilghanliqini, netijide 50 eskerning shéhit bolghanliqini uqturghan idi.
ezerbeyjan dölet mudapie ministirliqi bayanatida yene, toqunushlarda 105 erméniye eskirining ölgenlikinimu bildürgen idi.
مۇناسىۋەتلىك خەۋەرلەر
