erméniye armiyesining 150 eskiri ölgen

türkiye awazi radiyosi xewiri: erméniye bash ministiri nikol pashinyan parlaméntta söz qilghanda, ezerbeyjan-erméniye chégrasidiki toqunushlar üstide toxtaldi.

u rusiyedin herbiy yardem telep qilghanliqlirini, ezerbeyjan bilen bolghan toqunushlarning b d t xewpsizlik kéngishide muzakire qilinishi üchün, bashqa shérik döletlerge murajiet qilghanliqlirini bildürdi.

u erméniye armiyesidiki ölüm-yétim hadisiliri üstide toxtilip: «yéngi melumatlargha asaslanghanda, bügüngiche 105 eskirimiz öldi» dédi.

ezerbeyjan-erméniye ighwagerchiliki bilen bashlanghan toqunushlarda ölgen texminen 100 ermen eskirining jesitini tapshurushqa teyyar ikenlikini bildürgen idi.

ezerbeyjan dölet mudapie ministirliqi 12-séntebir kéchisi (2022) we 13-séntebir etigende, erméniye armiyesining ezerbeyjan chégrasidiki dashkesen, kelbeser, lachin we zengilan yönülüshide ighwagerchilik qilghanliqini, netijide 50 eskerning shéhit bolghanliqini uqturghan idi.

ezerbeyjan armiyesimu erméniye armiyesining hujumini toxtitish we toqunushning kéngiyip kétishining aldini élish üchün zörür tedbirlerni élip, erméniye armiyesige jawab qayturghan, netijide ighwagerchilik heriketlirige qatnashqan erméniye armiyeside ölüm-yétim körülgendin bashqa, herbiy bazilirimu buzghunchiliqqa uchrighan idi.