shiwétsiyediki saylamda, hakimiyet béshidiki partiye birinchi boldi

türkiye awazi radiyosi xewiri: shiwétsiye dölet téléwiziyesining (SVT) 7 milyon 700 ming saylighuchi awaz tashlighan saylamdin kéyin élan qilghan resmiy bolmighan netijilerge asaslanghanda, sotsiyal démokrat partiye %29.3 awazgha, yéshillar we muhit partiyesi %5.8 awazgha, sol partiye %7 awazgha, merkez partiyesi %7.7 awazgha, asasliq öktichi libéral partiye %4.7 awazgha, xiristiyan démokrat partiyesi %5.2 awazgha érishken.

saylamda, ashqun ongchil shiwétsiye démokratlar partiyesining awaz nisbitini %20.5 ge chiqirishi diqqet qozghidi. bu qétimqi saylamda, shiwétsiye démokratlar partiyesi döletning eng chong ikkinchi partiyesige aylandi.

bu netijilerge asasen, 349 kishilik parlamétta, ongchil partiyeler 173 orungha, solchil partiyeler 176 orungha érishidu.

sotsiyal démokrat partiyening merkez partiyesi bilen hökümet qurushqa tirishidighanliqi, buni sol partiye bilen yéshillar partiyesining qollaydighanliqi perez qilinmaqta.

yene bir tereptin, öktichi mötidil konsérwatiplar partiyesiningmu libéral partiye partiyesi we xiristiyan démokrat partiyesi bilen hökümet qurushqa tirishidighanliqi, buni radikal ongchil shiwétsiye démokratlar partiyesining qollaydighanliqi ilgiri sürülmekte.