rusiye yaponiyedin öch élishni bashlidi

türkiye awazi radiyosi xewiri:moskwa dairiliri kuril arallirida yashaydighan yaponlarning xokkaydo déngiz tewelikidiki arallargha wizisiz sayahet qilishqa ruxset qilghan kélishimni emeldin qaldurghanliqini élan qildi.

rusiye parlaméntining töwen qaniti bolghan dumaning xelqaraliq komitéti bashliqi léyonid slutskiy bu heqte toxtilip: «mezkur qarar yaponiye hökümiti ijra qilghan qanunsiz émbargollarning bésimigha we tokyoning gherbning rusiyege düshmenlik qilish siyasitini qollighanliqigha jawab süpitide élindi» dédi.

rusiye ikkinchi dunya urushining (1945-1939) axirqi künliride öz zéminigha qoshuwalghan kuril arallirini, yaponiye «shimaliy zéminlar» dep ataydu.

ikki dölet özlirining igilik hoquqining barliqini dewa qiliwatqan kuril aralliri, istratégiyelik ehmiyetke ige dep oylaydighan rusiyening kontrolluqida turmaqta.

yaponiye ikkinchi dunya urushi axirlashqanda rusiye bilen tüzülgen tinchliq kélishimige imza qoyush üchün, kunashiri arilinimu öz ichige alghan kuril arallirining qayturup bérilishini shert qilmaqta.