zéléniskiy ukrainaning donbasni qayturuwalidighanliqini bildürdi
ukraina pirézidénti wiladimir zélénskiy, ukrainaning nöwette pütünley dégüdek rusiye armiyesining qoligha ötüp ketken donbas shehirini qayturuwalidighanliqini éytti.
türkiye awazi radiyosi xewiri: wiladimir zélénskiy tünügünki (yekshenbe) kündilik kechlik nutuqi jeryanida: «biz héchqandaq sheher we xelqimizni untup qalmiduq we untup qalmaymiz» dédi.
«nöwette donbas rusiyening hujumliri netijiside asasen dégüdek weyran boldi» dégen zélénskiy, sözini dawamlashturup: «lékin, ukraina qaytip kélidu, choqum qaytip kélidu. hayat burunqi izigha qaytidu. donbas xelqining inawiti qaytip kélidu. bixeter we xushal yashash pursiti qaytip kélidu» dégenlerni qeyt qildi.
ötken ay ukraina emeldarliri, ukraina armiyesining xérson shehirini qayturuwélish üchün döletning jenubida qayturma hujumgha ötidighanliqini uqturghanidi.
rusiye, kiyéwning donétsiki we luxanski rayonlirigha ukraina döliti ichide alahide imtiyaz bérishni mezmun qilghan minsiki kélishimini ijra qilmighanliqini bahane qilip, 24 – féwral ukrainagha jeng élan qilghanidi.
2022-yili 2-ayda rusiye atalmish donbas jumhuriyetlirini musteqil dölet dep étirap qilip, ukrainaning özini «gherbning héchqandaq herbiy teshkilatigha qoshulmaydighan biterep dölet» dep resmiy élan qilishini telep qilghanidi.
