rusiye ukrainada her küni beshtin artuq kichik balini öltürmekte yaki yarilandurmaqta
rusiyening 24 - féwralda ukrainagha qarshi bashlighan urushida texminen 1000 gha yiqin kichik balining qaza qilghanliqi yaki yarilanghanliqi élan qilindi.
1871456
türkiye awazi radiyosi xewiri: birleshken döletler teshkilati balilar fondi (UNICEF) sanliq melumat élan qilip, «buning ottura hésab bilen künige 5 tin artuq kichik bala öltürülüwatidu yaki yarilanduruliwatidu» dégenlik bolidighanliqini bildürdi.
birleshken döletler teshkilati balilar fondining ijraiye diréktori katérin russél, «bular peqet birleshken döletler teshkilatila delilliyeligen sanliq melumat. biz heqiqiy sanning téximu köp ikenlikige ishinimiz. kichik balilarning köpinchisi partlatquch qoral sewebidin qaza qilghan» dédi.
birleshken döletler teshkilati balilar fondining bildürishiche, urushta ukrainada her 10 mekteptin biri weyran bolghan yaki ziyangha uchrighan.
