kabulda bir jamede partlash yüz bérip nurghun adem öldi
afghanistanning paytexti kabulda tünügün kechte namaz sham esnasida bir jamede yüz bergen partlashta 21 kishi hayatidin ayrildi.
1869519
türkiye awazi radiyosi xewiri: kabul saqchi idarisi bayanatchisi xalid zadran, «‹Tolo TV› téléwiziye qanili» ning ziyaritini qobul qilghanda bergen bayanatida, «sadiqiye jamesi» de tünügün kechte namaz sham esnasida meydangha kelgen partlash netijiside 21 kishining hayatidin ayrilghanliqini, 33 kishining yarilanghanliqini uqturdi.
hujumning jawabkarliqini téxiche héchkim öz üstige almidi.
taliban bayanatchisi zebihullah mujahid, ammiwi ortaqlishish tor béti Twitter sehipiside élan qilghan bayanatida, bu weqeni eyiblidi we jawabkarlarning eng qisqa waqit ichide tépilidighanliqini eskertti.
türkiye tashqi ishlar ministirliqimu, mezkur térrorluq hujumida hayatidin ayrilghanlar üchün teziye bayanati élan qilghanidi.
