israiliye mudapie ministiri islamiy jihadqa tehdit saldi
israiliye mudapie ministiri bénniy gantiz, islamiy jihad herikitining chet ellerdiki rehberliriningmu «bedel töleydighanliqi»ni éytip tehdit saldi.
türkiye awazi radiyosi xewiri: israiliye ammiwi tarqitish shirkiti (KAN), israiliye mudapie ministiri gantizning: «islamiy jihad heriktiining chet eldiki rehberlirimu oxshash bedel töleydu» dégen sözlirini abunitliri bilen ortaqlashti.
u yene özining tiwittérdiki adrésida bayanat bérip, özining israiliye armiyesi, israiliye ichki istixbarat idarisi (shabak) we barliq bixeterlik qisimlirigha «islamiy jihad herikitige éghir zerbe bérip, (israiliyening jenubida) tinchliqni kapaletke ige qilish» toghrisida buyruq chüshürgenlikini bildürdi.
israiliye taratquliri, tünügün etigen gantizning ghezze rayonidiki islamiy jihad herikitige qarshi hujumni dawamlashturushqa buyruq qilghanliqini xewer qilghanidi.
israiliye 5 – awghust islamiy jihad herikitining ghezzediki orunlirigha zerbe bérishni bahane qilip bashlighan hujumlirida hazirghiche 32 adem hayatidin ayrildi, 250 din artuq adem yarilandi.
