ئامېرىكا ئاقساراي ئەتراپىغا چاقماق چۈشتى

تۈركىيە ئاۋازى رادىيوسى خەۋىرى: ئامېرىكا پايتەختى ۋاشىنگتون ئاسمىنىدا ھاۋا گۈلدۈرلەپ يامغۇر يېغىۋاتقان پەيتلەردە، ئاقسارايغا يېقىن يەرگە جايلاشقان لافايېت باغچىسىغا چاقماق چۈشكەنلىكى بىلدۈرۈلدى.

ۋاشىنگتون پاژارنى مەسئۇللىرى ئاقساراي ئەتراپىغا چاقماق چۈشۈش ۋەقەسىدە تۆت كىشىنىڭ يارىلانغانلىقىنى، ۋەقە مۇناسىۋىتى بىلەن لافايېت باغچىسىنىڭ بىر قىسمنىڭ تاقالغانلىقىنى ئېلان قىلدى.

يارىدارلارنىڭ ئەتراپتىكى دوختۇرخانىلارغا ئاپىرىلغانلىقى ئەسكەرتىلدى.