sudanda tunji maymun chéchiki weqesi bayqaldi

türkiye awazi radiyosi xewiri: sudan sehiye ministirliqi döletlik tejribixanida qilinghan tekshürüsh netijisige asasen, gherbiy darfur ishtatida 16 yashliq bir oqughuchining maymun chéchiki wirusi bilen yuqumlanghanliqini we buning dölette bayqalghan tunji maymun chéchiki weqesi ikenlikini élan qildi.

bayanatta, sudanda maymun chéchiki bilen yuqumlanghanliqi guman qiliniwatqan bimar sanining 38 ge chiqqanliqi, emma gherbiy darfur ishtatidiki weqening sirtida hemme bimarning tekshürüsh netijisining menpiy ikenliki qeyt qilindi.

maymun chéchiki wirusi kongo we gherbiy afriqa türi dep ikkige bölünidu. adette haywandin ademge, bolupmu yéqin alaqide ademdin ademge nahayiti az yuqidighanliqi bilinidighan maymun chéchiki wirusi, bedende qizzish we qichishish alametlirini peyda qilidu.

dunya sehye teshkilati 23-iyul (2022) maymun chéchiki wirusini xelqaraliq jiddiy sehiye ehwali(PHEIC)  dep élan qilghan idi.

dunya sehiye teshkilatining 27-iyuldiki bayanatida, 78 dölette 18 mingdin artuq kishining maymun chéchiki wirusi bilen yuqumlanghanliqining toghrilanghanliqi, yuqumlanghanlarning %70 ning yawropa rayonida, %25 ning amérika rayonida ikenliki qeyt qilinghan idi.