uyghur aptonom rayonida témpératura 40 giradustin éship ketti

türkiye awazi radiyosi xewiri: xitayda hawarayining adettin tashqiri derijide issip kétishi sewebidin, «qizghuch sériq renglik agahlandurush» ning dawam qilidighanliqi bildürüldi.

xitay döletlik météorologiye merkizining bildürüshiche, döletning jenubiy rayonliri, jümlidin, jéjyang we jyangshi ölkiliri, ichki mongghul aptonom rayoni we uyghur aptonom rayonining bezi jaylirida témpératura 35 giradustin éship ketken.

météorologiye  dairiliri, hawa issiq waqitlarda dala paaliyetlirige qatnashmasliq we sirtta ishleydighanlar üchün daim aram élish heqqide agahlandurush chiqarghan.

igilinishiche, «qizghuch sériq renglik agahlandurush», xitayning 4-derijilik issiq hawarayi agahlandurush sistémisidiki eng yuqiri ikkinchi sewiyege wekillik qilidiken. agahlandurushlar, yuqiridin töwenge «qizil renglik», «qizghuch sériq renglik», «sériq renglik» we «kök renglik» tin teshkil tapidiken.