amérika türkiyening ashliq yötkeshke körsetken tirishchanliqlirini maxtidi

türkiye awazi radiyosi xewiri: amérika tashqi ishlar ministirliqining bayanatchisi néd parays türkiye jumhur reisi rejep tayyip erdoghan, ukraina, rusiye heyetliri we b d t bash katipi antoniyo gutérsning qatnishishi astida istanbulda ötküzülidighan ashliq yötkesh kélishimige imza qoyush murasimigha yuqiri baha berdi.

u: «bu kélishimni memnunluq bilen qarshi alimiz. b d t bash katipining zor tirishchanliqini teqdirleymiz. ittipaqdishimiz türkiyeningmu namayan qilghan tirishchanliqlirini alqishlaymiz» dédi.

u kélishimning G-20dölet guruhi döletlirimu qollighan kélishim ikenlikini qeyt qildi.

u rusiyeni yémek-ichmek mehsulatlirini qoral qilip paydilanghanliqini eyiblep, kélishimni ijra qilishni töt köz bilen kütüwatqanliqlirini, biraq moskwa hökümitining ashliqni qamal qilishqa jawabkar bolushi kéreklikini qeyt qildi.