rusiye b d t xewpsizlik kéngishini kéngeytishni chaqiriq qildi

türkiye awazi radiyosi xewiri: b d t ning niyu yorktiki bash merkizide omumiy kéngesh yighini chaqirildi. yighinda rusiyening b d t diki daimiy wekil yardemchisi dmitriy polinskiy: «xewpsizlik kéngishining kéngeytilishini qollaymiz. kéngeshning asiya we latin amérika döletliri, bolupmu tarixiy adaletsizlikke uchrighan afriqa üchün kéngeytilishini chaqiriq qilimiz. xelqara jemiyet ezalirining köpinchisi gherb döletlirining dunyani bashqurush, tebiiy bayliqlarni özlirining menpeeti üchün ishlitish, géopolitik layihelirini ijra qilish, barliq döletlerni, xelqlerni we qitelerni xéjil bolmastin bulap talan-taraj qilish hoquqi bar dep qarimaydu» dédi.

b d t xewpsizlik kéngishi amérika, engliye, firansiye, rusiye we xitaydin ibaret besh daimiy eza dölettin bashqa, 10 waqitliq eza dölettin terkip tapidu. kéngeshning qarar chiqirishi üchün besh daimiy eza döletning héchbiri ret qilmasliqi sherti astida, toqquz waqitliq eza dölet qoshulushi kérek.