muawin jumhur reis fuat oktay we emine erdoghan 15-iyul heqqide muhim söz qildi

türkiye awazi radiyosi xewiri:  fuat oktay ijtimaiy alaqe hésabatida hembehirligen uchurida, «<biz sheripimiz bilen ölimiz!> deydighan bir milletni kim tiz püktürelisun? 15 – iyuldiki xainlarche siyasiy özgirish qozghashqa urunush herikitide jumhur reisimizning rehberliki we millitimizning iradisi  sayisida bu peskesh hujumni tosup qalghan eziz shéhitlirimizni allahtin rehmet télesh bilen xatirileymiz. qehriman ghazilirimizgha minnetdarliqimizni bildürimiz» dégen sözlerni ishletti.

jumhur reis rejep tayyip erdoghanning ayali emine erdoghanmu fetullahchi térorluq teshkilatining 15 - iyul siyasiy özgirish qozghashqa urunush herikitining 6 - yilliqi shundaqla démokratiye we milliy ittipaqliq bayrimi munasiwiti bilen ijtimaiy alaqe torida élan qilghan bayanatida, 15 - iyulda yette yashtin yetmish yashqiche er-ayal her bir puqraning bir yürek bolup, qaytidin térilishning simwolini yaratqanliqini tekitlep, «tarixqa oyulghan 15-iyul dastani ene shularning iradisi we jasariti bilen yézildi» dédi.

fethullahchi térrorluq teshkilatining  15 - iyul siyasiy özgirish qozghashqa urunush kéchisi, türkiye xelqi tarixta mislisiz bir qarshiliq körsitish ülgisini yaritip, dölitining musteqilliqigha we kelgüsige yene bir qétim ige chiqqan idi. türkiyening u zulmetlik kéchidin yoruqluqqa chiqishi üchün küresh qilghan puqralar, saqchilar we eskerlerdin 150 nepiri paytext enqerede, 99  nepiri istanbulda shéhit bolghan idi.