dunya sehiye teshkilati maymun chéchiki wirusidin yuqumlanghuchilar omumiy sanini élan qildi

türkiye awazi radiyosi xewiri: dunya sehiye teshkilati bash dériktori doktor tédros adanom gébréyus, teshkilatning heptilik muxbirlarni kütüwélish yighinida, 58 dölettiki 6 mingdin artuq kishide maymun chéchiki yuqumining bayqalghanliqini bildürüp: «késellikni tekshürüp éniqlash jehette yenila qiyinchiliqlar bar. belkim nurghun bimarlar resmiy tizimgha élinmighan bolushi mumkin» dédi.

u, yawropaning maymun chéchiki yuqumining merkizi bolushni dawamlashturuwatqanliqini, «omumiy késellikning %80 ining yawropa döletliride körülgenliki»ni eskertti.

wirusning afriqadimu tarqalghanliqini bildürgen bash dériktor gébriyus, afriqa chong quruqluqining hazirghiche wirus peqet bayqilip baqmighan jayliridimu yéngi maymun chéchiki bimarlirining chiqishqa bashlighanliqigha isharet qilip ötti.

 u yene wirusning tarqilishining dawamlishidighanliqini tekitlep: «biz jiddi ehwallargha taqabil turush komitéti yighini échishni pilanlawatimiz. 18-iyul yaki uningdin burun, bu komitét yene bir qétim yighin chaqiridu» dégenlerni sözlirige ilawe qildi.