argéntinaning iqtisad ministiri wezipisidin istipa berdi
argéntinaning iqtisad ministiri martin guzman muawin pirézidént kiristina kirchnérning uninggha qaratqan tenqidliridin kéyin, wezipisidin istipa bergenlikini élan qildi.
türkiye awazi radiyosi xewiri: guzman tiwittér hésabidiki yazmisida, özining istipa mektubini pirézidént albérto férnandézgha tapshurghanliqini bildürdi.
guzman hökümette siyasi qollashqa érishelmigenlikini eskertip, «argéntina méngishi kéreklik yol toghrisidiki tesewwurimgha bolghan chongqur ishench we eqidem bilen téximu adil, téximu erkin we téximu hoquqluq bir weten berpa qilish üchün dawamliq tirishishni we rol élishni dawamlashturimen» dédi.
muawin pirézidént kirchnér tünügün élan qilghan bayanatida, ministir guzmanning iqtisadiy siyasitini tenqid qilip, nöwettiki weziyettin razi emeslikini bildürgen idi.
2019-yili 12-aydin béri iqtisad ministirliqi wezipisini ötep kéliwatqan guzman, xelqara pul fondi teshkilati bilen argéntina otturisida 28 – yanwarda tüzülgen kélishimning söhbitige rehberlik qilghan idi.
hökümetning solchi shérikliri guzmanni «bek köp étibar bériwetti» dep eyiblep, xelqara pul fondi teshkilati bilen tüzülgen kélishimni shundaqla ministir guzmanni tenqid qilghan idi.
