nigériyede maymun chéchiki wirusidin yuqumlanghan bir kishi qaza qildi
nigériyening her qaysi wilayetliride maymun chéchiki wirusi körülüshke bashlidi.
türkiye awazi radiyosi xewiri: nigériye késelliklerni kontrol qilish merkizi mudiri, doxtur ifédayo adétifa, 1 – iyundin 19 – iyunghiche bolghan jeryanda paytext ebuja we bashqa 17 ölkidiki 41 ademde maymun chéchiki wirusining bayqalghanliqini, bulardin birining qaza qilghanliqini uqturdi.
aditifa, yuqumgha qarshi tedbirlerning yolgha qoyulghanliqini we bu dairide türlük teshwiqatlarni élip bérishning bashlanghanliqini eskertti.
yerlik wiruslar keltürüp chiqiridighan kem uchraydighan késelliklerning biri bolghan maymun chéchiki wirusi kongo we gherbiy afriqa türi dep ikkige ayrilidu.
bu wirus adette haywandin ademge tarqilidighan bolup, nahayiti az sanda ademdin ademge tarqilidu؛ bu wirus bedende yuqiri qizitma we qattiq qichishishliq qapartmilarni keltürüp chiqiridu.
