jenubiy koréye «nuri» rakétasini ikkinchi qétim alem boshluqigha qoyup berdi

türkiye awazi radiyosi xewiri: yonxap agéntliqining xewirige asaslanghanda, bultur 1.5 tonna éghirliqtiki süniy hemrahni orbitagha orunlashturushta netijige érishelmigen rakéta, goxéung gun shehiridiki naro alem boshluqi merkizidin ikkinchi qétim qoyup bérilgen.

jenubiy koréye rakéta élip mangghan süniy hemrahni yersharidin 700 kilométir égizliktiki orbitagha orunlashturushni pilanlimaqta.

egerwezipe muweppeqiyetlik bolghan teqdirde, jenubiy koréye öz téxnikisi bilen alem boshluqigha süniy hemrah orunlashturghan 7-döletke aylinidu.

ikkinchi qétimliq sinaq hawa rayining nacharliqi sewebidin aldinqi qétim 16-iyungha (2022) kéchiktürülgen idi. andin rakétaning tanka sénzorida kashila körülgenliktin muddetsiz kéchiktürülgen idi.

nuri namliq rakita tunji qétim 21-öktebir paytext séulning jenubigha 500 kilométir kélidighan goxéung rayonidiki alem boshluqi merkizidin qoyup bérilgen idi.

jenubiy koréye pirézidénti mun jain rakétaning téz sürette yolgha chiqqanliqini, emma üstidiki 1.5 tonna süniy hemrahni orbitagha orunlashturalmighanliqini élan qilghan idi.

jenubiy koréye alem tetqiqati instituti «nuri» rakétasining 2027-yilghiche yene töt qétim alem boshluqigha qoyup bérilidighanliqini élan qildi.

rakétaning jenubiy koréyege bolghan chiqimining 1 milyard 600 milyon dollar ikenliki bildürüldi.

éghirliqi 200 tonna  we uzunluqi 47.2 métir kélidighan rakétaning 6 motori bar.