biryusséldiki ayrodurumlar ayropilan seperlirini toxtatti

türkiye awazi radiyosi xewiri: bélgiyediki oxshimighan ishchilar uyushmilirining chaqirqi bilen, xizmetchiler bügün xizmet sharaitliri we maashlirining yaxshilinishini telep qilip ish tashlaydu.

ish tashlashqa, biryusséldiki ayrodurumlarning amanliq saqlash xadimlirimu ishtirak qilidu.

yoluchilar we chamadanlarni bixeterlik tekshürüshidin ötküzüsh bolmighanliqi üchün, biryussél ayrodurumidin bashqa sheherlerge uchushlar emeldin qaldurulidu. ayrodurum bügün kelgen yoluchilarghila xizmet béreleydu.

biryussél ayrodurumi ish tashlash sewebidin yoluchilarning ayrodurumgha barmasliqini we uchush waqtini özgertishni telep qildi.

ish tashlash sewebidin biryusséldiki métro, tramway we aptobus seperliridimu bezi aqsashlar körülmekte.

ishchilar uyushmiliri yéqinqi künlerdiki mal bahasining ösüshining xizmetchilerning sétiwélish küchini ajizlitiwetkenliki eskertip, ularning xizmet sharaitliri we maashlirini yaxshilashni telep qilmaqta.

bélgiyede ijra qilinidighan körsetküch (indékslesh) tüzümide, xizmetchilerning maashi pul paxalliqidiki örlesh nisbiti boyiche östürülidu. adem ishletküchi orunlar bolsa, aptomatik maash körsetküchlirining emeldin qaldurulushini telep qilidu.

biraq, ishchilar uyushmiliri körsetküch tüzümini qoghdap qélishni, xususiy shirketlerdiki maashning éshish süritini chekleydighan qanunlarning özgertilishini telep qilidu.

bélgiyede pul paxalliqi ötken ay (2022-yili may) %8.97 örligen bolup, bu 1982-yildin buyanqi eng yuqiri chekke yetken pul paxalliq sewiyesi bolghan idi.