israiliye dölet xewpsizlik küchliri 3 pelestinlikni öltürdi
israiliye dölet xewpsizlik küchlirining ishghal astidiki iyordan deryasining gherbiy qirghiqigha jaylashqan jénin shehirige basturup kirish herikiti dawamida 3 pelestinlik hayatidin ayrildi, 8 i yarilandi.
türkiye awazi radiyosi xewiri: sehiye ministirliqi teripidin élan qilinghan yazma bayanatta, «israiliye dölet xewpsizlik küchlirining jénin shehiride oq chiqirishi netijiside 3 pelestinlik qaza qildi, 8 i yarilandi» déyildi.
pelestin döletlik téléwiziyesining xewer qilishiche, israiliye dölet xewpsizlik küchlirining basturush herikiti dawamida qaza qilghan pelestinlikler bera lehluh, leys ebu surur we yüsüf salah iken.
shahitlarning bildürüshiche, israiliye eskerliri, jénin shehirige basturup kirish herikiti dawamida, 4 pelestinlik olturghan bir aptomobilni oqqa tutqan.
weqedin kéyin, israiliye eskerliri bilen onlarche pelestin otturisida sürkilish yüz bergen.
israiliye eskerliri pelestinliklerge oq chiqarghan we yash aqquzush bombisi arqiliq mudaxile qilghan.
weqeler heqqide israiliye dairiliri teripidin téxiche bayanat élan qilinmighan.
