rusiye: ashliqni dostlirimizghila satimiz

türkiye awazi radiyosi xewiri: rusiye yéza igiliki ministiri dmitriy patrushéw saint pétérsburg xelqara iqtisad munbiride, teminlesh zenjirlirining buzulushi we pul-muamile ishliridiki mesililer qatarliq nurghun qiyinchiliqlar üstide toxtaldi.

u sözide, rusiyening eng köp éhtiyajliq bolghan döletlerni yémek-ichmek bilen teminlesh üchün bu qiyinchiliqlarni yingishi kéreklikini bildürdi.

u: «yéza igilik mehsulatlirimiz sirtqi bazarlargha chiqirilidu, emma biz bilen dost bolghan, bizge qiyinchiliq we tosqunluq peyda qilmighan döletlergila sétilidu» dédi.

rusiye pirézidénti wladimir putin ötken ay bayanat élan qilip, rusiyening bu yil (2022) bughdaydin rékort sewiyede mol-hosul élishni kütidighanliqini bildürgen idi.

u bezi döletlerning acharchiliqqa duch kélishi mumkinlikini bildürüp, buning pütünley «gherb döletlirining gunahi» ikenlikini ilgiri sürgen idi.

bughday bahasi yéqinqi ikki heptide rékort sewiyege chiqishi bilen, ashliq kirizisi dunya miqyasida hés qilinishqa bashlidi.

hawa rayi we wuxen wirusi(Kovid-19)  ning tesirige uchrighan dunya yémek-ichmek baziri, 24-féwral (2022) bashlanghan ukraina-rusiye urushi we gherbning moskwagha yürgüzgen émbargoliri sewebidin yene bir qétim éghir zerbige uchridi.